12 наурыз, 15:46
Қазақстандықтарға қызылшаға қарсы екпе салу 1 сәуірден басталады, бұл туралы ҚР денсаулық сақтау министрлігінің өкілдері хабарлады. Дәрігерлердің хабарлауынша, қазіргі таңда қызылшаға қатысты жағдай бұрынғы күйінде қалуда және апта сайын 400-ге жуық оқиға тіркеледі.
20 наурызға дейін дәрігерлер қызылша, паротит және қызамыққа қарсы вакцина жеткізіледі деп күтіп отыр. Екпе алдымен балаларға салынады. Олар үшін 478 мың екпе бөлінген.
Бұл инфекция ең алдымен екпе салынатын жас – 12 айға жетпеген балаларға жұғады, сондықтан екпе салу мерзімін 9 айға дейін қысқарту туралы шешім қабылданған, оның ғылыми негізі бар. Медицина қызметкерлерінің айтуынша, олар бұған дейін осылай жасаған.
Екпені екінші кезекте науқастармен жұмыс істейтін медициналық қызметкерлер алады. 20 наурызға дейін вакцинаның негізгі бөлігі жеткізіледі, жоспарлы – 651 мың және дәрігерлер қосымша 478 мың екпеге тапсырыс берген. Олардың көбісі екпе салдырғысы келетіндерге жұмсалады. Былтырдан бері елімізде қызылшаны жұқтырудың 4000 жағдайы тіркелген.
