Көпбалалы отбасыларды баспанамен қамту бағдарламалары туралы Қайырбек Өскенбаев айтып берді. «Нұрлы жер» бағдарламасы аясында пәтерлердің есепті бағасы 1 ш.м-ге 140 мың теңгені құрайды. Бұл тұста пәтердің тұтас бағасын бекіту мәселесі қарастырылуда.
«Жергілікті атқарушы орган өкілдері «Егер сіздер бір пәтердің қандай да бір нақты бағасын белгілесеңіздер, біз әкімдіктерге өздері шешім қабылдауға мүмкіндік береміз» дейді. Мысалы, 4 балалы және 10 балалы отбасы бар дегендей. Егер олар баспана ауданын ұлғайтқысы келсе, осы сомадағы қаржыны қоса алады», - деп түсіндірді шенеунік.
