Елордада жеңіл автокөлік пен экспресс-автобус жол апатына түсті. №300 бағыттағы экспресс-автобус «Субару» маркалы автокөліктің артына соғылған. Автобус жүргізушісі жұмыстан шеттетілді.
Қорғалжын тасжолымен қалаға бет алған жолаушылар көлігін «Субару» маркалы жеңіл автокөлік басып озып, автобустың алдына тоқтаған. Нәтижесінде №300 бағыттағы автобус жеңіл көлікті артынан соққан. Бұл туралы «Астана ЛРТ» компаниясы хабарлады. Жол көлік оқиғасынан зардап шеккендер жоқ.
«№300
автобустың жүргізушісіне қатысты
хаттама толтырылды. Ол АП1 (Автобус
паркі) басшылығының шешімі бойынша,
жұмыстан шеттетіліп, біліктілік
орталығына қайта оқуға жіберіледі», -
делінген хабарламада.
Автобус
жүргізушісінің 13 жылдық еңбек өтілі
болған.
Еске
салсақ, 26 наурыз күні
ел астанасында үлкен
жол-көлік апаты орын алып,
жүрдек автобус қатты жылдамдықпен
бағдаршамда тұрған автобусқа
соғылған. Жүргізуші мен
алдыңғы орында отырған жолаушы оқиға
орнында көз жұмды. Жол апатынан 36 адам
жарақат алды.
