Сentralasian.org порталы хабарлағандай, Шымкентте 15 мыңнан астам өзбек студенттері білім алуда. Қазір жүздеген білім алушы құжат жинап жатыр. Өзбекстан билігі оларға отандағы жоғары оқу орындарына ешқандай емтихандарсыз ауысатынына уәде берді.
"Мен тек транскрипт алдым. Енді үйге мемлекеттік ЖОО-да оқуға барамын. Мен үшін бұл жақсы мүмкіндік: мұнда үнемі келу қиын. Өз еліңде білім алған дүрыс қой, — дейді Шымкентте оқитын Табассум Жұманазарова.
Оқытушылар студенттерді қалдырудың жолын қарастыруда, бірақ құжаттарын алып кетушілер кезегі пайда болыпты. Олар біріншіден, транскрипт алу үшін (қандай пәндер тапсырылғаны туралы академиялық анықтама, ол үшін студенттің оқу бойынша қарызы болмауы тиіс). Екіншіден, көбі оқу орнындағы барлық құжаттарын алып кетуге талпынып жатыр, алайда деканат бас тартқан.
"Бізде 7 мыңнан астам студент бар. Бірінші күні оқушылар өте көп болды. Біз мұндай болады деп ойламадық, — деді Шымкент қаласындағы М.Әуезов атындағы Оңтүстік Қазақстан мемлекеттік университетінің проректоры Садыбек Бейсенбаев. — Біз қазір тек қана транскрипт береміз, бірақ құжаттар емес. Өйткені, егер кенеттен Өзбекстандағы жоғары оқу орны оларды қабылдамаса, бұл жағдайда олар қайтадан бізде оқуға кірісе алады".
Проректордың айтуынша, аталған жоғары оқу орнында оқитын өзбекстандық студенттердің жартысына жуығы оның өз еліне кетіпті. Жартысынан кемі оқуын Қазақстанда жалғастыруды көздеп отыр.
